Исроил полицияси бош вазир Биньямин Нетаньяхуни Қуддусдаги қароргоҳида 3 соат давомида сўроқ қилди

Исроил полицияси мамлакат бош вазири Биньямин Нетаньяхуни бир неча соат давомида сўроққа тутди. Бу ҳақда полиция матбуот хизмати маълум қилди, дея хабар беради «ТАСС».

«Исроил полициясининг миллий бўлинмаси 2 январь, душанба куни кечки пайт имтиёзлар олишда гумон қилиб, Исроил бош вазири билан огоҳлантирувчи сўроқ ўтказди. Сўроқ бош вазирнинг Қуддусдаги қароргоҳида бўлиб ўтди», — дейилади матбуот хизмати баёнотида.

Haaretz нашрига кўра, 3 соат давом этган сўроқ «тадбиркорлардан олингани гумон қилинган совғалар»га оид бўлган. Нетаньяхунинг ўзи коррупцияда айбловларни рад этди ва рақибларини «байрам қилишга шошилмаслик»ка чақирди.

Маълумот учун, огоҳлантирувчи сўроқ Исроил полицияси терговининг энг жиддий услуби бўлиб, нотўғри маълумотлар терговга халақит бериш ва ёлғон кўрсатмалар тақдим этиш ҳисобланади ҳамда жиноий жавобгарликкача олиб келиши мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.