Россия Тергов қўмитаси Иркутск вилояти мулкий муносабатлар вазирининг ўринбосари Евгения Нефедовага нисбатан «Хизмат вазифасига совуққонлик билан ёндашиш» моддаси бўйича жиноий иш қўзғади. Бу ҳақда «Газета.ru» хабар бермоқда.
Тергов маълумотларига кўра, 2008 йилда вазирлик ва М.Акперов деган шахс ўртасида ер участкаси ижараси бўйича шартнома имзоланган. 2015—2016 йилларда бу ерда жойлашган дўконда уч бор алкоголь маҳсулоти сотуви қонун-қоидалари бузилиши аниқланган. 2016 йил ноябрида яна шундай ҳолат қайд этилган ва бу ҳақдаги материаллар Нефедовага етказилган.
Мансабдор судга шартномани бекор қилиш юзасидан мурожаат этиш ўрнига навбатдаги огоҳлантириш билан кифояланади. Бу дўкон фаолияти давом эттирилиши ва жорий йил декабрида кишиларнинг оммавий заҳарланишига олиб келган «Бояришник» суюқлиги сотилишига сабаб бўлган.
Эслатиб ўтамиз, Иркутск вилоятида метил спиртини истеъмол қилиш туфайли бугунги кунгача 76 киши ҳаётдан кўз юмди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)