Tesla Motors компанияси электрокарлар прошивкасини охирги янгилашда байрам муносабати билан иккита совға ҳозирлади: компаниянинг операцион тизимига чироқлар шоуси ва Марс бўйлаб навигатор функциялари қўшилди, деб ёзади TJournal.
Чироқлар шоуси билан боғлиқ функция фақат Tesla Model X электрокари эгалари учун мўлжалланган. Режимни ишга тушириш учун компания логотипини беш сония босиб туриб, сўнгра Holiday ёки Modelxmas пароль сўзларини киритиш лозим.
Шундан сўнг кроссовер мусиқа чалиш, эшикларни очиш ва чироқларни ўчириб-ёқишни бошлайди. Чироқлар Trans-Siberian Orchestra гуруҳининг Wizards in Winter қўшиғига ҳамоҳанг милтиллайди.
Иккинчи махфий функция Model X ва Model S электрокарлари соҳиблари учун мўлжалланган. Уни ишга тушириш учун навигаторни очиш, Tesla логотипини беш сония босиб туриш, сўнгра пайдо бўлган ойначага Mars сўзини ёзиш керак бўлади. Шундан сўнг маҳаллий харита Марс ландшафтига ўзгаради, электрокар пиктограммаси ўрнига эса чизилган марсоход пайдо бўлади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)