АҚШнинг Анқарадаги элчихонаси Туркия расмийларининг Вашингтон ИШИДга кўмак кўрсатаётгани ҳақидаги баёнотлари ҳақиқатга мос келмаслигини маълум қилди. Бу ҳақда «Интерфакс» хабар бермоқда.
«АҚШ ИШИДни қўллаб-қувватламайди ва илгари ҳам бундай қилмаган. АҚШ ИШИДга кўмак кўрсатаётгани ҳақидаги гаплар асосли эмас», — дейилади АҚШ элчихонасининг баёнотида.
Бир муддат илгари Туркия президенти Ражаб Тоййиб Эрдўғон АҚШ бошчилигидаги коалицияни ИШИДни қўллаб-қувватлашда айблаган эди. У қўлида буни исботловчи фотосуратлар ва видеоёзувлар борлигини маълум қилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)