Покистонда сифатсиз алкоголдан заҳарланиш қурбонлари сони 39 кишига етди. 150 киши касалхоналарга ётқизилди, уларнинг кўпчилиги беҳуш ҳолатда. Бу ҳақда «Интерфакс» хабар бермоқда.
Олдинроқ алкоголь таркибидаги метанолдан заҳарланиш оқибатида 32 киши ҳалок бўлгани билдирилганди.
Айни пайтда воқеа юз берган Панжоб вилояти полицияси жабрланганлар сифатсиз алкоголни қаердан олганини аниқлашга уринмоқда.
«Христиан эркаклар 25 декабрь, Рождество куни алкоголь истеъмол қилган ва уй-уйига тарқаган. Эрталаб уларнинг кўпчилиги ухлаб ётганда оламдан ўтгани, бошқалари эса ўзини ёмон ҳис этгани маълум бўлди», — дея таъкидлади полиция вакиллари.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)