АҚШ махсус хизматлари собиқ ходими Эдвард Сноуденнинг адвокати Бен Визнер 22 декабрь, пайшанба куни АҚШ Конгресси Вакиллар палатасининг разведка бўйича доимий махсус қўмитаси маърузасидан фош қилинган маълумотларни сафсата деб атади. Бу ҳақда ҳуқуқшунос ўз Twitter’ида айтиб ўтди, деб ёзади «ТАСС».
«Агар сиз ушбу мантиқсиз сафсата ҳақида ўқимоқчи (ёки ёзмоқчи) бўлсангиз, мана буни ўқиб кўришингиз керак», — деб ёзди адвокат маърузанинг сентябрь ойидаёқ фош қилинган биринчи қисмини танқид остига олувчи мақолага линкни илова қилиб.
Конгрессменлар ҳеч қандай исбот келтирмасдан, АҚШ Миллий хавфсизлик агентлиги собиқ ходимини Россия махсус хизматлари билан алоқада айблади. Декабрь бошида берган интервьюсида Сноуденнинг ўзи бундай турдаги ҳар қандай алоқаларни рад этган ва гўёки Россия махсус хизматлари унга 2013 йилда мурожаат қилган вақтдан буён улардан ўзини узоқ тутишини таъкидлаган эди.
Yahoo News онлайн-портали АҚШ маъмуриятидаги манбаларига таяниб, Вашингтонда Сноуден Россияга МХА ҳужжатларини бериб юборгани бўйича ҳеч қандай далил йўқлигини маълум қилди. У, шунингдек, АҚШ разведка жамияти ва конгрессменлар Сноуден ва Москва алоқалари борасида бир хил фикрда эканлигига аниқлик киритди.
Изоҳ (0)