КХДР икки Корея ўртасида муносабатлар яхшиланиши тарафдори, бироқ «Жанубий Корея расмийлари Пхеньяннинг самимий ташаббусларига ёвуз маломатлар билан жавоб бермоқда». Бу ҳақда мамлакат ташқи ишлар вазирлиги қошидаги Тинчлик ва қуролсизланиш институтининг 22 декабрь, пайшанба куни эълон қилинган баёнотида маълум қилинди, дея хабар беради «ТАСС».
Экспертлар «барча мамлакатлар ва ҳукуматларни Шимол ва Жануб ўртасидаги муносабатлар ҳолатини синчиклаб кузатиш, Пхеньянга қарши қаратилган ҳамда Сеул томонидан уюштирилган бўҳтондан иборат тарғибот кампанияси хавфини англаб етиш»га чақирди. Институт вакиллари «Сеулнинг шимолдаги ҳамюртлари билан қарама-қаршиликка қаратилган сиёсати ўта хавфли тус олгани»ни таъкидлади.
Институт маълумотларига кўра, Жанубий Корея махсус хизматлари якунланаётган йилда «КХДР олий раҳбарияти ва ижтимоий тизимининг шаънини ҳақорат қилувчи» турли баёнотлар, мактублар ва компакт-дискларни фаол равишда тарқатди, «республиканинг дипломатик ва савдо ваколатхоналари ходимлари электрон почтасига фитна қўзғовчи хабарлар» жўнатди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)