Саудия Арабистони 2017 йили нефть экспортидан 127 млрд доллар даромад кўриши кутилмоқда

Саудия Арабистонининг 2017 йилга мўлжалланган бюджети лойиҳасига мамлакат нефть экспортидан 127 миллиард доллар даромад кўриши киритилган. Бу 2016-молиявий йилга нисбатан 46 фоизга кўп, дея хабар беради «ТАСС».

Лойиҳада нефть баррели учун қандай нарх белгилангани ошкор этилмаган. Жорий йил бюджетида бу кўрсаткич баррель учун 43 долларга тенг эди. Бюджет етишмовчилиги эса ялпи ички маҳсулотнинг 10 фоизи ёки 79 миллиард долларни ташкил этди.

Келгуси молиявий йил режасида бюджет етишмовчилиги 52,8 миллиард доллар атрофида белгиланди. Шу тариқа мамлакат расмийлари 2016 йилга нисбатан бюджет етишмовчилигини 33 фоизга камайтиришни режалаштирмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.