Бразилия президенти Мишел Темер ҳамюртлари орасида машҳур эмаслигидан хафа, бироқ фуқаролар уни келгусида тан олишига ишончи комил. Бу ҳақда у Рио-де-Жанейрода, журналистлар билан учрашуви чоғида маълум қилди, дея хабар беради «ТАСС».
«Машҳурликдан атайин воз кечаётганим йўқ. Бу мен учун нохуш ҳолат, бироқ мамлакатни бошқаришда халақит бермайди. Тан олинишим келгусида бўлади. Ўзимнинг унчалик машҳур эмаслигимдан акс ҳолда қабул қилиб бўлмайдиган чораларни қўллаш учун фойдаланаман», — дея таъкидлади Темер.
16 декабрда эълон қилинган жамоатчилик фикри натижаларига кўра, респондентларнинг атиги 13 фоизи давлат раҳбари томонидан шакллантирилган ҳукумат фаолиятини «яхши» ва «жуда яхши» деб эътироф этди. Бразилияликларнинг 48 фоизи ижро ҳокимияти фаолиятига «ёмон» ва «жуда ёмон» дея баҳо берди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)