Ҳамкасблар билан уюштириладиган Янги йил байрамига қандай либос кийиш мумкин?

Ҳар йили ҳамкасблар доирасида ташкил қилинадиган байрам кечасига нима кийиш тўғрисида олдиндан ташвишга тушамиз. Сиз учун йилнинг асосий кечасига мос равишда кийинишнинг универсал қоидаларини тўпладик.

1-қоида

Кўпчилик компаниялар мавзули кечаларни аниқ белгиланган дресс-кодга риоя қилган ҳолда ўтказишни маъқул кўришади. Шунинг учун, сиз масалан, қора кўйлак устидан оқ кардиган ёки оч рангдаги кофта ва қора юбка кийишингиз мумкин. Шунингдек, келаётган хўроз йилини эсдан чиқармаган ҳолда, тақинчоқларингизнинг бирортаси ёрқин қизил рангда бўлса, мақсадга мувофиқ бўлар эди.

2-қоида

Ўтказиладиган тадбирнинг жойини аниқласангиз, кечага қандай кийиниш масаласи ўз ечимини топади. Масалан, картодромда ўтказиладиган «Янгил йил пойгалари»га кечалик узун либосда бориш унчалик тўғри келмайди.

3-қоида

Ўзингизни ноқулай ҳис қиладиган кўйлак ёки либосларни киймаганингиз маъқул. Таассурот қолдирадиган ва ўзига хосликка урғу берадиган қиёфа танлашга ҳаракат қилинг. Меъёридан ошириб юборманг, чунки, бошлиқлар ходимлар ўзларини қандай тутишларига алоҳида эътибор беришади.

4-қоида

Кўринишингизга байрамона тус бериш мақсадида, қор учқуни ёки шокила шаклидаги зираклар тақишингиз мумкин. Қўлингизга эса билагузук сифатида моҳирлик билан ўралган оддий зар ип тақсангиз ҳам бўлади.