Шопинг – оддий харид эмас, балки кайфиятни кўтарувчи ўзига хос даволаш деса ҳам бўлади, айниқса, харид қилган кийимингиз ўзингизга ҳар томонлама ёққан бўлса. Аксинча, уйга келгандан сўнг ёқмай ёки тўғри келмай қолса-чи? Сизни бундай ҳафсалангизни пир қилувчи харидлардан асраш мақсадида, шопинг вақтида йўл қўйиладиган асосий хатолар тўғрисида айтмоқчимиз.
1-хато: сиз кийиб кўриш хонасига бошқа ўлчамларни ҳам олмадингиз
Ўзингизнинг ўлчамингизни яхши билсангиз ҳам, баъзан, бир размер катта ёки кичкинасини кийиб кўриш ҳеч қачон зарар қилмайди.
2-хато: сиз туфли сўрамадингиз
Дўконга туфлида бориш шарт эмас, кўйлак ёки юбкаларни дўкондаги туфлилардан бирортаси ёрдамида қандай туришини кўришингиз мумкин.
3-хато: сиз ёруғликни алмаштирмадингиз
Баъзи дўконлардаги кийиб кўриш хоналари қиёфангизни мукаммал қилиб кўрсатувчи махсус услубда лойиҳалаштирилади. Агар қарорингиз қатъий бўлса, кийимни бошқа жойда ва бошқача ёруғликда ҳам кийиб кўриб, тўлиқ ишонч ҳосил қилганингиз маъқул.
4-хато: сиз буюмни «ўзгариш»га мўлжаллаб харид қилмоқчисиз
Озиш ёки семиришни мўлжаллаб, ўзингизга лойиқ бўлмаган буюмни харид қилиш оқибати – кийимнинг кийилмасдан, шкафнинг бир бурчагида қолиб кетишига сабаб бўлади.
5-хато: сиз сотувчининг гапларига тўлиқ ишонасиз
Сотувчининг иши – кўпроқ буюм сотиш. Шунинг учун, сотувчининг гапига эмас, балки ўзингизнинг кўзингизга ва фикрлашингизга ишонинг.
Изоҳ (0)