Россия муфтийлар кенгашининг олий мукофоти — биринчи даражали «Ал-Фахр» ордени тадбиркор Алишер Усмоновга Россия муфтийлар кенгаши ва Россия мусулмонлари диний бошқармаси раиси Равиль Гайнутдин томонидан топширилди, дея хабар бермоқда «ТАСС».
Тадбиркор Россиядаги энг йирик меценат (фан ва санъатга ҳомийлик қилувчи давлатманд одам)лардан бири ҳисобланади. У спорт, маданият, фан ва таълимга алоқадор лойиҳаларни қўллаб-қувватлайди, шунингдек, исломнинг диний ва маданий меросини сақлашга ўз ҳиссасини қўшади. Хусусан, Усмонов Қозондаги Оқ масжид ва Татаристондаги Булғор ислом академияси қурилишига ҳамда Чита жомеъ масжиди таъмирига маблағлар ажратган.
«Ўзини ўз руҳи билан уйғун ҳис қилиш учун ўз эътиқодига эга бўлиш керак, ўз диндошларига яқин бўлиш керак. Мен мусулмонман ва мусулмон ўғлиман — ўз яқинлари, ўз диндошлари учун қилинадиган савоб иш, менинг фикримча, ҳаётнинг энг асосий мазмунидир», — дея Усмонов гапларидан иқтибос келтирди нашр.
Меценат «одамларга яхшилик қилиб, бунинг эвазига ҳеч қандай миннатдорчиликни кутмасликка ҳаракат қилиш» муҳимлигини таъкидлади.
Изоҳ (0)