NASA ўз сайтида Сомон йўлининг турли коинот обсерваториялари томонидан олинган фотосуратларидан иборат ноёб тасвирини эълон қилди, деб ёзади «Корреспондент.net». Суратда совуқ газ булутини ҳосил қилувчи ёш юлдузлар нурланиши акс этган.
Тасвир турли обсерваториялар томонидан олинган рентген суратларини бир бутун ҳолга келтириш орқали яратилган. Бунда бинафша рангини Chandra ва ROSAT обсерваториялари, тўқ сариқ рангни эса Spitzer телескопи қайд этди. Кўк рангга келадиган бўлсак, бу UKIRT инфрақизил телескопининг оптик маълумотларидир.
NASA таъкидлашича, тасвирда олимлар томонидан NGC деб аталган ҳудуд акс этган. У Ердан тахминан 5500 ёруғлик йили масофасида жойлашган. Ушбу ҳудудда ёш, ёрқин ва йирик юлдузларнинг бир нечта гуруҳи жойлашгани туфайли, у «кластерлар кластери» деб аталади. Мутахассислар осмон ёритқичлари тўдасини «кластер» деб атайди.
Изоҳ (0)