Metacritic фикрлар агрегатори 2016 йилнинг энг ёмон ўйинлари ўнлигини тузди. Таъкидланишича, рейтингга 2016 йилнинг 1 январидан 31 декабригача чиқарилган ва журналистларнинг камида еттита тақризини тўплаган йирик лойиҳаларгина кирди.
Metacritic’нинг антитопида энг ёмон ўйин Ghostbusters бўлди, у 100 баллдан 30 балл тўплади. Иккинчи ўринда Dino Dini’s Kick Off Revival футбол симулятори, учинчи ўринда эса Soda Drinker Pro жойлашди. Уларнинг ҳар иккаласи ҳам 100 дан 31 рейтингига эга.
Тўртинчи поғонани Weeping Doll хоррори банд этди, уни танқидчилар ҳеч ҳам қўрқинчли эмас деб топди. Ундан кейинги поғоналарни RPG Langrisser Re: Incarnation — TENSEI, 7 Days to Die зомби-экшни, Umbrella Corps кооператив шутери, Россиянинг Alekhine’s Gun ўйини, Coffin Dodgers пойга аркадаси ва Ace Banana тири эгаллади.
Изоҳ (0)