Қачонлардир телевизор қаршисига ўтириб, маълум бир каналлар тўпламини томоша қилар эдик, бундан ортиғи эса хаёлимизга ҳам келмасди. Ўша пайтлар шунинг ўзи етарлидек туюларди, бироқ, аслида одамлар телевизор имкониятларининг ҳақиқий кўламини яхши англаб етмаган. Эҳтимол, биз ҳали-ҳануз уларнинг салоҳиятини тўлиқ очиб бера олмагандирмиз.
LG Smart TV’нинг пайдо бўлиши ҳаётнинг янгича бўёқлар билан ифодаланишига сабаб бўлди. Эндиликда нафақат белгиланган вақтда муайян бир фильмни томоша қилиш мумкин, балки истаган вақтда интернетга уланиб, хилма-хил контентларга кириш имкони ҳам мавжуд. Ўзингиз истаган фильм, сериал, севимли янгиликлар дастурини томоша қилишингиз ёки бутун оилангиз билан барча мамлакатларда Янги йил қандай кечишини кузатишингиз мумкин.
Умуман олганда, ҳамма нарсанинг имкони бор, бутун видео ва аудио контент – Сизнинг хизматингизда! Бундан ташқари, унинг аъло сифати сизга хуш ёқиши аниқ. Баъзан воқеалар экранда эмас, ён-атрофингизда, ўтирган хонангизда рўй бераётгандек туюлади. Ажойиб овозли тизим бундай ҳиссиётларни янада бойитади.
Smart TV webOS 3.0 платформаси аввалгиларидан нимаси билан фарқ қилади? Энг аввало, у Smart TV платформалари орасида энг кўп функциялиси сифатида эътироф этилади, зеро унинг хусусиятлари барчада катта таассурот қолдиради. Янгиланган функционал билан таъминланган webOS 3.0 Сизларни улкан ва хилма-хил қизиқарли контентлар оламига таклиф этади.
Платформанинг яққол устунлиги — фойдаланишнинг қулайлиги ва оддийлигида. Ҳатто ҳеч қачон Smart телевизорларидан фойдаланмаган инсон ҳам осонлик билан бу қурилмани тушуниб олади. LG Smart TV қўшимча функциялари — Magic Zoom, Magic Mobile Connection ва янгиланган Magic Remote пульти эса фойдаланувчиларнинг имкониятларини сезиларли даражада кенгайтиради.
Magic Zoom ёрдамида экрандаги объектларни катталаштириш анча осонлашди. Шуниси диққатга сазоворки, бунда тасвир сифати ҳам пасаймайди. Magic Mobile Connection ёрдамида эса фойдаланувчилар LG TV Plus дастури орқали ўз мобил телефонларини осонлик билан LG Smart TV’га улашлари мумкин. Шу тариқа, телевизор экранида мобил дастурларни очиш имкони пайдо бўлади.
Smart TV телевизорларингизнинг имкониятларидан максимал равишда баҳраманд бўлиш учун ишлаб чиқарувчилар Magic Remot пультини янгилади. Унга бошқарувни енгиллаштириш мақсадида қўшимча тугмалар қўшилди. Янгиланган пульт ўз функционалига кўра, компьютер сичқончаси билан беллаша олади.
Реклама ҳуқуқи асосида
Изоҳ (0)