Мадриднинг «Реал» ҳамда «Атлетико» футбол клублари вояга етмаган футболчилар билан шартнома имзолашда белгилаб қўйилган нормалардан четлашгани учун, ФИФА ҳар икки клубга 2018 йилга қадар янги футболчи сотиб олишни тақиқлаб қўйганди.
Сентябр ойида эълон қилинган бу қарордан кейин «Реал» Халқаро Арбитраж Судига аппеляция бериб, 90 кун давомида ўз даъвосини қаноатлантириш бўйича кураш олиб борди. Якунда ХАС «Реал» томонидан тушган аризани атрофлича ўрганиб чиқиб, клубга 2017 йилнинг ёзида футболчи харид қилишга рухсат берди.
2014 йилги мавсумда ФИФА Каталониянинг «Барселона» клубини ҳам худди шу ҳолат бўйича жазолаганди. Бироқ жамоа даъво аризаси билан масалани ижобий томонга ҳал қила олмаган.
«Чемпионат» маълумотига кўра, «Реал» хоҳишининг қисман қаноатлантириши «Барселона» раҳбариятининг норозилигига сабаб бўлди. Регламентнинг бузилиши бир хил бўлса-да, белгиланган жазо икки хил бўлиб қолди. Шу боисдан ҳам «Барселона» ХАС билан иш олиб борган адвокатларидан тушунтириш талаб қилмоқда.
Қайд этиш керак, «Реал» раҳбарияти ўз даъвосини тўлиқ эмас, қисман қаноатлантирадиган норози бўлиб, ХАСни мардлик етишмаганликда айблаганди.
Изоҳ (0)