АҚШнинг сайланган президенти Дональд Трамп 20 январь куни лавозимига киришишдан аввал Оқ Уйнинг меҳмонлар қароргоҳи — Блэр-хаусда истиқомат қилади. Бу ҳақда унинг ўтиш маъмурияти расмий вакили Жейсон Миллер маълум қилди, деб хабар бермоқда «ТАСС».
У шу тариқа АҚШдаги бир қатор йирик ОАВ, жумладан, The New York Times газетаси ва CNN телеканалининг Трамп Вашингтондаги ўзига қарашли беш юлдузли меҳмонхонада бир неча кун туриши ҳақидаги маълумотларни инкор этди.
«Нотўғри. Сайланган президент Блэр-хаусда яшайди», — деб ёзди Миллер Twitter’даги саҳифасида. Трамп Нью-Йоркдан Вашингтонга айнан қачон келишига Миллер аниқлик киритмади.
Маълумот учун, Блэр-хаус — Оқ Уй қаршисида жойлашган АҚШ президенти ва ҳукумати меҳмонларининг қароргоҳи бўлиб, бу ерда, анъанага кўра, сайланган давлат раҳбари инаугурация маросимидан бир неча кун аввал жойлаштирилади.
Изоҳ (0)