Ўзбекистон ўсмирлар футбол терма жамоаси сафида тўп сурган Абдулҳай Исмоилов 1 йилга футболдан четлатилди. Бу ҳақда «Championat.asia» нашри ОФКга асосланиб маълумот берди.
Футболчи 2016 йилнинг 15 сентябрь куни Ҳиндистонда старт олган Осиё чемпионатида иштирок этиб, мураббий Темур Олимхўжаев бошқарувида Ироқ ва КХДР термаларига қарши ўйинда майдонга тушган. Учрашувдан кейинги допинг назорати эса унинг тақиқланган модда билан ҳаракат қилганини аниқлаган.
Осиё Футбол Конфедерацияси қон таркибида тақиқланган модда аниқланиши билан футболчини бир йилга — 2017 йилнинг 2 ноябрь санасига қадар футболдан четлатди. ОФК томонидан жазоланган қолган футболчилар рўйхати шу ҳаволада тақдим этилган.
Маълумот учун, Ўзбекистон ўсмирлар терма жамоаси мураббий Темур Олимхўжаев билан чорак финалда ўз юришига якун ясаб, Жаҳон чемпионатидан четда қолиб кетганди.
Футболдан четлатилган Абдулҳай Исмоилов 2000 йилнинг 8 февраль куни Наманган шаҳрида туғилган. У Ўзбекистон терма жамоасига «Бунёдкор» футбол клубидаги фаолиятидан кейин чақирилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)