«Ўзбекнаво» раҳбарининг виртуал қабулхонаси тайёрланди

«Ўзбекнаво» эстрада бирлашмаси бош директори Фарҳод Жўраевнинг виртуал қабулхонаси иш бошлади. У qabulxona.uzbeknavo.uz манзилида жойлашган.

Мазкур виртуал қабулхона ҳам Ўзбекистон бош вазирининг шундай қабулхонаси каби ишлайди — унда ҳам мурожаатларни йўллаш шакли, шунингдек, юборилган мурожаат мақомини текшириш имконияти бор.

Алоҳида қайд этилишича, «Ўзбекнаво» бош директорининг виртуал қабулхонаси орқали йўлланган мурожаатлар расмий мақомга эга бўлади.

Қабулхона айнан қачон иш бошлагани маълум эмас. Мурожаатлар статистикаси бандида номаълум муддатдан 15 декабргача бўлган оралиқда бирорта мурожаат тушмагани кўрсатилган.

Қўшимча қилишларича, «Ўзбекнаво» раҳбарига савол, шикоят ва таклифларни (+998-71) 234-24-28, (+998-71) 234-52-90 телефон рақамлари орқали боғланиб, билдириш ҳам мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.