Гермиона Грейнжер Голливуднинг машҳур аёл қаҳрамонлари рейтингини бошқарди

АҚШнинг The Hollywood Reporter журнали фильм ва сериалларнинг Голливудда машҳур бўлган аёл қаҳрамонлари рўйхатини эълон қилди. Бу ҳақда «Корреспондент.net» хабар бермоқда.

Биринчи ўрин британиялик актриса Эмма Уотсон ижро этган «Гарри Поттер» ҳақидаги фильмлар қаҳрамони Гермиона Грейнжерга насиб этди. Иккинчи ўринни Керри Фишер ўйнаган малика Лея («Юлдузлар жанги») эгаллади. Учинчи ўринга Сара Мишель Геллар ўйнаган Баффи Саммер («Баффи —вампирлар қирони») лойиқ кўрилди.

Голливудда оммалашган аёл қаҳрамонлар сафидан «Подиум» журнали бош муҳаррири Миранда Пристли (Мерил Стрип, «Иблис Прада кияди»), агент Дана Скалли (Жиллиан Андерсон, «Махфий материаллар»), Дейенерис Таргариен (Эмилия Кларк, «Тахтлар ўйинлари») ҳам ўрин олди.

Рейтинг Голливуд режиссёрлари, актёрлари ва бошқа кино арбоблари фикрлари асосида тузилди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.