Қозоғистон ва Исроил тўғридан-тўғри авиақатновни тиклайди ва визасиз тартибни жорий этиш масаласини кўриб чиқади. Бу ҳақда Қозоғистон президенти Нурсултон Назарбоев Исроил бош вазири Биньямин Нетаньяху билан музокаралари якунлари бўйича ўтказилган брифингда маълум қилди, дея хабар беради Kazakhstan Today.
«Тўғридан-тўғри авиақатновни тиклаш ва мамлакатларимиз ўртасида визасиз тартибни жорий этиш масаласини ишлаб чиқиш юзасидан келишувга эришилди. Бундай чоралар икки томонлама бизнес-алоқалар ва туризм соҳасидаги ҳамкорликни чуқурлаштиришга кўмак бериши лозим», — дея таъкидлади Назарбоев.
Қозоғистон президенти матбуот хизмати Назарбоев ва Нетаньяху музокаралар чоғида савдо-иқтисодий масалаларга алоҳида эътибор қаратганини билдирмоқда.
Эслатиб ўтамиз, 14 декабрь, чоршанба куни Исроил бош вазири Биньямин Нетаньяху Қозоғистон ва умуман Марказий Осиёга илк расмий ташриф билан келди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)