Колорадо суди штатнинг 9 нафар танловчисига 19 декабрь куни АҚШ президентлигига Демократлар партиясидан номзод Ҳиллари Клинтон учун овоз бериш мажбуриятини юклади. Бу ҳақда «РБК» хабар бермоқда.
Даъво судда штатнинг сайлов қонунлари борасида баҳс қилмоқчи бўлган икки танловчи томонидан киритилганди. Мазкур қонунга кўра, Колорадонинг барча танловчилари штатда умумхалқ сайлови натижалари бўйича ғолиб чиққан номзод учун овоз беришга мажбур.
Полли Бака ва Роберт Нейманич амалдаги қонунни бекор қилдириш ва 19 декабрь куни бўлиб ўтадиган танловчилар коллегиясида Дональд Трамп учун овоз беришга суд рухсатини олиш ниятида эди.
Колорадода халқ овоз бериши натижаларига кўра Ҳиллари Клинтон ғалаба қозонди. Судья Элизабет Старрс агар танловчилар Клинтон учун овоз беришдан бош тортгудек бўлса, уларни алмаштириш тўғрисида ҳукм чиқарди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)