13 декабрнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев 14 декабрь куни Ўзбекистон Президенти сифатида қасамёд қилиши кутилмоқда. У Олий Мажлис палаталари қўшма мажлиси вақтида қасамёд қилади.
2. Олий Мажлис 14 декабрь куни Абдулла Ариповни бош вазир сифатида тасдиқлаши кутилмоқда. Маълумот учун, Шавкат Мирзиёев бош вазир лавозимидан озод этилиб бўлди.
3. Содиқ Сафоев Сенат раисининг биринчи ўринбосари этиб сайланди, Адҳам Икромов эса соғлиқни сақлаш вазирига айланди. Бундан ташқари, бир депутат (Марғилонга ҳоким этиб тайинлангани учун) ва икки сенатор ўз ваколатларини топширди.
4. Портлаш хавфи туфайли Нью-Йоркда шошилинч қўнган самолёт бортида Оксана Чусовитина бўлгани маълум қилинди. «Эртага эрталаб учишимизни ваъда қилишмоқда», – деди ўзбекистонлик гимнастикачи.
5. «Шандонг Луненг» билан шартнома тузиши кутилаётган Одил Аҳмедов Пекинда тиббий кўрикдан ўтишни бошлади. Аввалроқ Хитой клуби ўзбекистонлик футболчи учун 8 миллион евро тўлаши мумкинлиги ҳақида хабар берилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)