Ўзбекистон Олий Мажлиси палаталарининг 14 декабрь, чоршанба куни бўлиб ўтадиган қўшма мажлисида мамлакат бош вазири лавозимига тақдим этилган номзод ҳам кўриб чиқилиши кутилмоқда. Бу ҳақда Ўзбекистон парламентидаги манба «Дарё»га маълум қилди.
Хабар беришларича, Олий Мажлис Қонунчилик палатаси ва Сенатининг чоршанба куни бўладиган қўшма мажлисида Абдулла Арипов Ўзбекистон бош вазири лавозимига тасдиқланиши мумкин.
12 декабрь, душанба куни Ўзбекистон президентига ЎзЛиДеП томонидан бош вазир лавозимига Абдулла Арипов номзоди таклиф этилган эди.
Конституцияга кўра, Ўзбекистон Президенти тақдим этилган бош вазир лавозимига номзодни кўриб чиққанидан кейин, 10 кун муддат ичида уни Олий Мажлис палаталарининг кўриб чиқиши ва тасдиқлаши учун таклиф этади.
Бош вазир номзоди, унинг учун тегишинча Олий Мажлис Қонунчилик палатаси депутатлари ва Сенати аъзолари умумий сонининг ярмидан кўпи томонидан овоз берилган тақдирда, тасдиқланган ҳисобланади.
Қайд этиш жоиз, номзод Олий Мажлисда унинг номзоди кўриб чиқилаётганда ва тасдиқланаётганда Вазирлар Маҳкамасининг яқин муддатга ва узоқ истиқболга мўлжалланган ҳаракат дастурини тақдим этади.
Аввалроқ, Ўзбекистон Олий Мажлиси палаталарининг 14 декабрь куни ташкил этиладиган қўшма мажлисида мамлакатнинг сайланган Президенти Шавкат Мирзиёев қасамёд қабул қилиши кутилаётгани ҳақида хабар берилган эди.
Сенат Шавкат Мирзиёевни Бош вазир лавозимидан озод қилди
Шавкат Мирзиёев 14 декабрь куни Ўзбекистон Президенти сифатида қасамёд қилиши кутилмоқда
Изоҳ (0)