Ўзбекистоннинг асосий Янги йил арчаси Мустақиллик майдонига эмас, «Анҳор-Локомотив» паркига ўрнатилади

Ҳар йил сўнгида анъанавий равишда Тошкентдаги Мустақиллик майдонига ўрнатиб келинган Ўзбекистоннинг асосий Янги йил арчаси 2016 йилда бошқа жойга қўйилади.

Тошкент шаҳар ҳокимлигидаги манбанинг «Дарё»га маълум қилишича, бу йил мамлакатнинг бош арчаси «Анҳор-Локомотив» кўнгилочар боғи олдидаги майдонга ўрнатилади.

Ижтимоий тармоқларда «Анҳор-Локомотив» парки олдида Янги йил арчасини ўрнатиш учун жойни ҳозирлаш мақсадида олиб борилаётган қурилиш ишларининг суратлари пайдо бўлди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.