Россиянинг «Аэрофлот» авиакомпаниясига тегишли SU1871 «Тошкент—Москва» рейси самолёти парвоздан сўнг кўп ўтмай, Ўзбекистон пойтахти аэропортига қайтиб келди, дея хабар бермоқда «Газета.uz».
А-330 лайнери Тошкентдан бир соат кечикиб — жадвал бўйича 4:30 да эмас, 5:35 да учиб кетди. Кутиш ҳудудида бир марта айлангач, самолёт тахминан 6:05 да эсон-омон қўнди.
Экипаж аъзолари учиб чиқиш пунктига носозлик туфайли қайтилганини маълум қилди. Айни пайтда йўловчилар аэропортнинг кутиш зонасига етказилди. Учиб кетиш вақти 16:45 га кўчирилди.