Болгариянинг Шумен шаҳрида юз берган темир йўл аварияси қурбонлари хотирасига 12 декабрь, душанба мамлакатда миллий мотам куни деб эълон қилинади. Бу ҳақда ҳукумат ахборот хизмати маълум қилди, дея хабар беради «ТАСС».
Бош вазир вазифасини бажарувчи Бойко Борисовга кўра, ҳозирда мазкур авария оқибатида 5 киши ҳалок бўлгани тасдиқланди. 30 киши жароҳатланди, улардан 3 нафарининг ҳолати ўта оғир. Ҳодиса жойини мамлакатнинг сайланган президенти Румен Радев кўздан кечиргани билдирилмоқда.
Фалокат юз берган манзилда қутқарув ишлари давом этмоқда. Шикастланмай қолган цистерналардан газни чиқариб олишга тайёргарлик кўрилмоқда. Хитрино темир йўл станцияси яқинида яшовчи мингга яқин киши вақтинча эвакуация қилинади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)