Ироқнинг Сурия билан чегарадаги Анбар вилояти, Ал-Қаим шаҳрига берилган ҳаво зарбалари оқибатида 70 нафардан ортиқ тинч аҳоли вакили ҳалок бўлди, 100 дан ошиқ киши жароҳат олди. Бу ҳақда «ТАСС» хабар бермоқда.
Al Arabiya телеканалига кўра, шаҳарнинг бош бозори ва унинг шарқий чеккасидаги икки бозорга ҳаводан зарбалар берилган. Марказий бозорнинг ўзида 20 киши бунинг қурбони бўлди. Ҳалок бўлган ва яраланганларнинг аксарияти аёллар ҳамда болалар экани билдирилмоқда.
Айрим манбаларга қараганда, зарбалар адашув туфайли Ироқ ҳарбий-ҳаво кучлари, бошқа маълумотларга кўра, Ғарб коалицияси авиацияси тарафидан амалга оширилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)