Франциянинг Базель-Мюлуз-Фрайбург аэропортига қўниш чоғида икки моторли Piper PA-34 енгил самолёти ҳалокатга учради. Бунинг оқибатида ҳаво кемаси учувчиси ҳалок бўлди, дея хабар беради «ТАСС».
Ҳалокатга об-ҳаво шароити сабаб бўлгани билдирилмоқда: ҳодиса юз берган чоғда аэродром қалин туманга бурканган ва кўриш сезиларли даражада қийинлашганди.
Ҳозирда аэропорт учиш-қўниш майдони ёпилган, самолётларнинг жўнатилиши тўхтатилган. Ҳаво қўналғаси ҳалокатга учраган самолёт бўлаклари йиғиштириб олинганидан сўнг фаолиятини тиклаши маълум қилинди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)