Германия канцлери Ангела Меркель Германияда жамоатчилик жойларида юзни тўлиқ ёпиб турадиган диний либос кийишни тақиқлашга чақирди, деб ёзади «РБК». Бу ҳақда у «Христиан-демократик иттифоқ» партиясининг Эссендаги съездида айтиб ўтди.
«Юзни тўлиқ ёпиб турадиган тўр тақиқланиши керак», — деди у. Шунингдек, Меркель «баъзан Германияда узоқ вақтдан буён яшаб келаётган кишилар интеграция курсида ўқиши кераклиги ҳақида таассурот уйғониши»ни қўшимча қилди.
Бу канцлернинг ушбу масала бўйича омма олдидаги биринчи нутқи бўлди ва партиянинг мингга яқин делегатлари йиғилган залда гулдурос қарсаклар билан қарши олинди.
Изоҳ (0)