АҚШ ва Марказий Осиё давлатлари ташқи сиёсат идоралари раҳбарлари шу ҳафтада Германиянинг Гамбург шаҳрида C5+1 шаклида учрашув ўтказади. Бу ҳақда Давлат департаменти расмий вакили Марк Тонер маълум қилди, дея хабар беради UzDaily.
C5+1 шакли 2015 йилда тузилган. Ўтган йил сентябрида АҚШ Давлат котиби Жон Керри Марказий Осиёдаги барча беш давлат ташқи ишлар вазирларини Нью-Йоркда қабул қилди. Ноябрда шундай шаклдаги учрашув Самарқандда ўтказилди ва Самарқанд декларацияси қабул қилинди.
C5+1 шаклидаги бундан олдинги мулоқот шу йил августида Вашингтонда бўлиб ўтганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)