Жанубий Корея президенти Пак Кин Хе 2017 йил апрели охирида муддатидан олдин истеъфога чиқиш талабига рози бўлишга тайёр. Бу ҳақда парламентда ҳукмрон «Сэнури» партиясидан мансабдор шахс маълум қилди, деб ёзади «Коммерсантъ».
Таъкидланишича, бундай қарор аҳолини ва мухолифатни қаноатлантирмаслиги мумкин. Ҳукмрон партия аввалроқ президентга импичмент бўйича овоз беришга муқобил вариант сифатида истеъфога чиқишни таклиф қилган эди, президент импичменти бўйича овоз бериш 9 декабрь, жума куниёқ бўлиб ўтиши мумкин.
3 декабрь куни 200 мингга яқин киши Сеул кўчаларига чиқиб, Пак Кин Хени лавозимидан четлаштириш ва ҳибсга олишни талаб қилди. Жанубий Корея президентига нисбатан тергов олиб борилмоқда. Пак Кин Хе ўзининг фолбин дугонаси Чхве Сун Силнинг коррупция схемаларида иштирок этганликда айбланмоқда. Президентнинг ўзи эса буларнинг барчасини рад этмоқда.
Изоҳ (0)