АҚШнинг Аэронавтика ва космик маконни тадқиқ қилиш бўйича миллий бошқармаси (NASA) Американинг Curiosity марсоходидаги тоғ жинсларини тўплаш учун мўлжалланган пармада қайд этилган носозлик сабабларини аниқламоқда, деб ёзади «Коммерсантъ».
Носозлик пармани ҳаракатга келтирувчи моторда аниқланди. Марсоходнинг ҳаракати вақтинчалик тўхтатиб қўйилди.
«Биз парма механизмини эҳтиёткорлик билан текшириш имконини берувчи қандай диагностика тестларини ўтказишни аниқламоқдамиз. Биз тестларни дастлаб Ердаги синов марсоходида ўтказамиз, сўнг уларни Марсда такрорлаймиз», — дейилади ташкилот хабарида.
Нашр эслатишича, олти ғилдиракли Curiosity марсоходи Марсга 2011 йил ноябрида юборилган, 2012 йил 6 августида у сайёранинг Гейл кратери ҳудудидаги юзасига бориб етган эди. Марсоходни Тулузадаги Сайёрашунослик институти астрофизиги Сильвестр Морис бошқаради.
Изоҳ (0)