Италиядаги конституциявий референдум якунлари ва бош вазир Маттео Ренсининг истеъфога чиқиши ҳақидаги баёноти дунёнинг энг эски банкларидан бири, активлари миқдори бўйича мамлакатда учинчи ўринда турадиган Monte dei Paschi di Siena капиталлашуви режаларини барбод қилиши мумкин. Бу ҳақда «РБК» хабар бермоқда.
Financial Times томонидан сўров ўтказилган мансабдорлар ва бозор иштирокчилари ҳодисаларнинг бундай ривожини Италия банк тизими учун ўта ёмон сценарий деб атади ва бу тизимда инқироз ҳамда камида 8 банк касодга учрашига олиб келиши мумкинлигидан хавотир билдирди.
Италия банк сектори 5 йилдан ошиқ вақтдан бери муаммолар гирдобида қолмоқда. 2016 йил декабрига келиб, маҳаллий банклардаги муаммоли кредитлар қиймати 360 миллиард евродан ортди, бу евроҳудуддаги шундай қарзларнинг учдан бирини ташкил этади. Мамлакат марказий банкининг Европа марказий банки олдидаги қарзи ҳам Евроиттифоқ мамлакатлари учун рекорд сумма — 354 миллиард евродан иборат.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)