АҚШ ҳарбий-ҳаво кучларининг RC-135W стратегик разведкачи самолёти 3 декабрь куни Россиянинг Калининград вилоятига оператив вазифани бажариш учун яна бир марта яқинлашди. Буни ҳарбий авиация ҳаракатини кузатувчи сайтлар маълумотлари кўрсатмоқда, деб хабар қилади «Интерфакс».
Айтилишича, 62-4139 борт рақами ва ILIAC76 чақирув номига эга АҚШ ҳарбий самолёти ўша куни эрталаб Буюк Британиядаги Милденхолл авиабазасидан учиб чиқиб, Польша томонидан Россиянинг Болтиқдаги чегарасига яқинлашган ва айни пайтда Россия ҳудуди бўйлаб радиотехник разведкани амалга оширмоқда.
Буюк Британиядан учиб чиққан самолёт Германия ва Польша осмонидан ўтгани маълум.
АҚШ разведкачиси Калининград яқинидаги парвоздан сўнг Болтиқбўйи давлатлари ҳаво ҳудудига йўл олиб, Псков ва Ленинград вилоятларининг чегараолди туманларини кузатиши кутилмоқда.
Изоҳ (0)