Актёр Жавоҳир Зокиров «Меҳмонхона» сериалининг янги фаслида суратга тушмоқда. Актёрнинг сериалдаги иштироки ҳақида батафсил маълумот олиш мақсадида журналист Феруз Муҳаммад Жавоҳир Зокиров билан суҳбат уюштирди.
— Ижтимоий тармоқлардаги саҳифаларингизда «Меҳмонхона» сериалининг давомини суратга олиш ишларидан фотолавҳалар эълон қилган экансиз. Сериалда қайси ролни ижро этаяпсиз?— «Меҳмонхона» сериалининг давоми айнан мен учун ёзилган сценарий асосида суратга олинмоқда. Сценарий Нурилла Аббосхон ва Акрам Исоқов томонидан ёзилган. Сериал жуда ҳам кўп жангари саҳналардан иборат бўлиб, экшн жанрида суратга олинмоқда. Бугунги кунда Голливудда фаолият юритаётган Аҳмад Бек (Аҳмад Бердимуродов) ҳам сериалда суратга тушяпти. Суратга олиш ишлари Ўзбекистондан ташқари Дубайда ҳам бўлиб ўтади. Жамоамиз ўз ишининг усталаридан ташкил топган, сериал тайёр бўлгандан сўнг мухлисларимизнинг ўзи ҳам бунга амин бўлади.
— Россия телевидениеси учун суратга олинаётган «Олтин Ўрда» тарихий сериалида Мунажжим ролини ижро этаётганингиз ҳақида маълумот берган эдингиз. Бу сериал қачон экран юзини кўради?— Менимча, «Олтин Ўрда» 2017 йилда экранларга чиқса керак.
— Пиримқул Қодировнинг «Юлдузли тунлар» асари асосида саҳналаштирилган спектаклда рол ижро этаётганингиз ҳақида ҳам айтгандингиз, лекин спектакл тақдимотида сизни кўрмадик.— «Юлдузли тунлар» спектаклига жуда қизғин тайёргарлик кўрилган эди. Чет элдаги съёмкаларим туфайли спектаклдаги ролимни ўйнай олмадим.«Меҳмонхона» сериалини тасвирга олиш жараёнидан лавҳалар
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)