«Ўзагроэкспорт» акциядорлик жамияти шериклари билан ҳамкорликда Қозоғистон Республикасининг Остона шаҳрида «Марказий Осиё Савдо уйи» масъулияти чекланган ширкатни очди, деб ёзади «Ўзагроэкспорт» расмий сайти.
Савдо уйи Қозоғистоннинг Continental Logistics компанияси томонидан қурилган энг йирик транспорт-логистика маркази биносида жойлашган.
Савдо уйи баланд ричтраклар, стеллаж конструкциялари, автоматик доклар каби янги ускуналар билан жиҳозланган «А» синфидаги омборхона мажмуаларини таклиф қилади, улар турли юклар логистикасини таъминлаш ва юкни ортиш-тушириш ҳудудининг ўтказиш қобилиятини сезиларли тарзда ошириш имконини беради.
Марказий Осиё Савдо уйи улгуржи ва чакана савдо фаолияти, етказиб беришларни ташкил қилиш, озиқ-овқат маҳсулотларини сотиш, маркетинг сиёсатини олиб бориш, савдо тармоқлари ҳамда Ўзбекистон ва Қозоғистондаги манфаатдор компаниялар билан шартномалар тузиш бўйича хизматларни кўрсатади.
Изоҳ (0)