Тадбиркорлар ва ишбилармонлар ҳаракати — Ўзбекистон Либерал-демократик партиясидан Ўзбекистон Республикаси Президентлигига номзод Шавкат Мирзиёевнинг ишончли вакили Икромхон Нажмиддинов Наманган вилояти, Янгиқўрғон тумани сайловчилари билан учрашди. Бу ҳақда туман ҳокимлиги ахборот хизмати маълум қилди.
Учрашувда Президентликка номзоднинг ишончли вакили йиғилганларни Шавкат Мирзиёевнинг таржимаи ҳоли ва сайловолди дастури билан таништирди.
Дастурда мамлакатда тинчлик ва ҳамжиҳатликни мустаҳкамлаш, давлат ва жамият бошқаруви тизимини такомиллаштириш, қонун устуворлигини таъминлаш ва суд-ҳуқуқ тизимини ислоҳ этиш, иқтисодий ислоҳотларни чуқурлаштириш ва ижтимоий соҳани ривожлантиришга қаратилган вазифалар белгиланган.
Жамоатчилик назоратини кучайтириш, одил судловни таъминлаш, ижро ҳокимияти фаолияти самарадорлигини ошириш, иқтисодиётни модернизация қилиш, маҳаллий бюджет даромад базасини кенгайтириш, тадбиркорликни ривожлантириш, экспортга эътиборни кучайтириш, аҳоли фаровонлигини юксалтириш ва бандлигини таъминлаш каби масалалар ўз ифодасини топган.
Туман тиббиёт бирлашмаси бошлиғи Л.Аҳмедова, Ўзбекистон халқ ўқитувчиси А.Холматов, фахрийлар М.Аҳмаджонов, М.Ёқуббоев ва бошқалар номзоднинг дастурида белгиланган устувор вазифалар хусусида фикр билдирди.
Учрашувда номзоднинг ишончли вакили Ўзбекистон Республикаси Президенти сайловига тайёргарлик кўриш билан боғлиқ жараёнлар миллий қонунчилик ва халқаро демократик тамойилларга мос равишда ўтаётганлигини қайд этди. Сайловчиларнинг кўплаб саволларига батафсил жавоб қайтарди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)