“O‘zagroeksport” aksiyadorlik jamiyati sheriklari bilan hamkorlikda Qozog‘iston Respublikasining Ostona shahrida “Markaziy Osiyo Savdo uyi” mas’uliyati cheklangan shirkatni ochdi, deb yozadi “O‘zagroeksport” rasmiy sayti.
Savdo uyi Qozog‘istonning Continental Logistics kompaniyasi tomonidan qurilgan eng yirik transport-logistika markazi binosida joylashgan.
Savdo uyi baland richtraklar, stellaj konstruksiyalari, avtomatik doklar kabi yangi uskunalar bilan jihozlangan “A” sinfidagi omborxona majmualarini taklif qiladi, ular turli yuklar logistikasini ta’minlash va yukni ortish-tushirish hududining o‘tkazish qobiliyatini sezilarli tarzda oshirish imkonini beradi.
Markaziy Osiyo Savdo uyi ulgurji va chakana savdo faoliyati, yetkazib berishlarni tashkil qilish, oziq-ovqat mahsulotlarini sotish, marketing siyosatini olib borish, savdo tarmoqlari hamda O‘zbekiston va Qozog‘istondagi manfaatdor kompaniyalar bilan shartnomalar tuzish bo‘yicha xizmatlarni ko‘rsatadi.
Izoh (0)