Россия президенти Владимир Путин мамлакат фанлар академиясига сайланишни ман этувчи тақиқни бузган 4 нафар мансабдорни лавозимидан озод этиш ҳақидаги фармонга имзо чекди. Бу ҳақда «Газета.ru» хабар бермоқда.
Мазкур фармонга кўра, Ички ишлар вазирининг ўринбосари, тергов департаменти бошлиғи Александр Савенков, Мудофаа вазирлиги ҳарбий тиббиёт бош бошқармаси бошлиғи Александр Фисун, Россия президенти Ишлар бошқармаси бошлиғи ўринбосари, тиббиёт бош бошқармаси бошлиғи Константин Котенко, Федерал хавфсизлик хизмати рўйхатга олиш ва архив фондлари бошқармаси бошлиғи Василий Христофоров «ўз истакларига биноан» лавозимидан бўшатилди.
Россия президентининг матбуот котиби Дмитрий Песков мансабдорларнинг хизматдан бўшатилиши Россия Фанлар академиясига сайланиши билан боғлиқ ёки йўқлиги ҳақидаги саволга «Ҳа, боғлиқ», дея жавоб берди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)