АҚШ ҳарбий-денгиз кучларининг R-8A Poseidon кемага қарши патруль самолёти 28 ноябрь, душанба куни Россия ҳарбий-денгиз флоти кемалари Шарқий Ўртаер денгизида тўпланган жойга навбатдаги разведка парвозини амалга оширди. Бу ҳақда «Интерфакс» хабар бермоқда.
Ҳарбий авиация ҳаракатланишини кузатадиган хорижий сайтларга кўра, душанба куни эрталаб Сицилиядаги «Сигонелла» авиабазасидан парвоз қилган АҚШ самолёти ҳозирда Россия кемаларини фаол равишда кузатиб бормоқда. Кемалар орасида «Адмирал Кузнецов» оғир авиаташувчи крейсери ҳам бор.
Парвоз чоғида самолёт Кипр соҳилининг жануби ва шимоли-шарқидаги денгиз акваториясини кузатади. R-8A Poseidon 6,5 минг метр баландликда айланма манёврларни амалга оширмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)