Колумбияда ҳалокатга учраган самолёт бортида Бразилия А сериясининг «Шапекоэнсе» клуби аъзолари бўлгани, улар жами 27 нафар экани айтилганди. «ТАСС» Бразилиянинг SportTV телеканалига таяниб, «Шапекоэнсе» клубининг 9 нафар аъзоси Колумбия сафаридан тушиб қолганини маълум қилди.
Бунда 9 футболчининг нима сабабдан Колумбия сафаридан қолиб кетгани кўрсатилмаган, аммо улар номма-ном саналган: Рафаэль Лима, Ненен, Демерсон, Марсело Бук, Андреи, Иоран, Мартинуччо, Мойзес ва Нивалдо.
Маълумот учун, «Шапекоэнсе» клуби Копа Судамерикано мусобақасининг финалида тўп суриш учун учиб кетаётганида Медельин шаҳрида ҳалокатга учраган. Аввалроқ 72 нафар йўловчи ва 9 нафар экипаж аъзоси бўлган самолёт ҳалокатидан 5 нафар инсон омон қолгани айтилганди. «ТАСС» хабарида омон қолганлар сони 10 нафар экани кўрсатилган.
Изоҳ (0)