АҚШ мудофаа вазирлиги Марказий разведка бошқармаси (МРБ) собиқ раҳбари Дэвид Петреус томонидан махфий маълумотлар чиқариб юборилишига оид иш юзасидан текширув ўтказмоқда. Бу ҳақда «РБК» хабар берди.
Associated Press агентлиги манбаларига кўра, текширув Петреуснинг жазмани, New York Times журналисти Пола Бродуэллга тегишли электрон почта бузилганидан сўнг чиқиб кетган махфий маълумотларни қамраб олади. 2011—2012 йилларда МРБ собиқ раҳбари ўзининг биографияси устида Бродуэлл билан ҳамкорликда ишлаётганида унга махфий маълумотлар билан танишиш имконини берган. Генерал мазкур маълумотларни тегишли рухсатсиз сақлаганини тан олган.
Ҳозирда терговчилар журналист аёлга тегишли маълумотларни ким тарқатганлигини аниқлашга уринмоқда. Ушбу текширувнинг қайтадан тиклангани Петреус Дональд Трамп маъмуриятидан жой олиши имкониятини чўзиб юбориши мумкинлиги билдирилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)