Россиянинг «Ростов» клуби шарафини ҳимоя қилаётган эронлик футболчи Сардор Азмун ўзини Лионель Мессига қиёслайдиганларни тушунмаслиги ҳақида айтди. Бу ҳақда «Championat.asia» «Р-Спорт» нашрига асосланиб хабар берди.
«Мени эронлик Месси деб чақиришларини ёқтирмайман. Ўйин услубимиз умуман ўхшаш эмас, шунинг учун ҳам Мессига қиёслаганларни тушунмайман», — деб айтиб ўтган Азмун.
«Ўзимни ким билан солиштираман? Златан Ибраҳимович билан! Тўғри, ҳозир у каби ўйнамайман. Аммо шуни истайман. У жентелмен эканига ишонаман. Эронда Али Даини, ундан ташқарида эса Златанни афзал биламан».
Маълумот учун, Сардор Азмун билан «Ливерпуль» футбол клуби қизиқаётгани ҳақида хабарлар пайдо бўлганди. Чемпионлар Лигасининг жорий мавсумида у «Атлетико» ва «Бавария» клублари дарвозасини ишғол қилишга муваффақ бўлди.
Изоҳ (0)