Ижтимоий тармоқларда хонанда Равшан Комилов уйига қуёш панели ўрнатгани, аммо уни тармоққа улаб беришмаётганидан шикоят қилган видеоси тарқалди.
Қуёш панели қўйинглар, дейишаётган эди, қўйдик. Ўрнатганимизга саккиз кун бўлди. Лекин уни туман электр тармоғига улаш, кирди-чиқди, ҳисоб-китобини тушунадиганларнинг савияси жуда ҳам паст. Саккиз кундан бери саккизта одам келди, илми йўқ, бир-бирини тушунмайди.
Расмийлаштириб беринглар, десам, системани тушунадиган одам кам экан. Улаб беришмаяпти. Шуни ким ҳал қилади, ким текширади?, дея хонанда жамоатчиликка мурожаат қилган.
Ҳолат юзасидан “Ҳудудий электр тармоқлари” жамияти матбуот хизмати изоҳ берди.
Равшан Комилов тўйга таклиф қилинмаса ҳам, бораверадими? Хонанда тармоққа улаш бўйича солиқ иловаси орқали ўрнатилган тартибда ариза қолдирмагани маълум бўлди, дейилади масъул идора изоҳида.
Айтилишича, Равшан Комиловга электр тармоқлари ходимлари томонидан тушунтириш ишлари олиб борилгач, хонанда ариза қолдирган.
Бугун, 2 июль куни Равшан Комилов қилган чиқиши хато экани, у ғазабда, тушунмовчилик натижасида хато гапирганини маълум қилди.
Мен кечирим сўраётганим йўқ. Ҳамма камчилик қуёш панелини ўрнатган кишиларда. Улар билан барча ҳужжатларни қилиб беришни келишган эдик. Лекин улар туман электр тармоқлари корхонасига ариза топширмаган экан, деди у.
Хонанданинг қўшимча қилишича, масъул ходимлар 15 дақиқада қуёш панелини тармоққа улаб беришган.
Изоҳ (0)