Тошкент шаҳар ҳокимлиги ахборот хизмати иссиқлик, табиий газ, электр таъминоти ва бошқа коммунал хизматлардаги муаммолар бўйича мурожаат қилишга мўлжалланган диспетчерлик хизмати рақамларини эслатиб ўтди.
«Тошкент шаҳар ҳокимлиги пойтахтимиз аҳолисига яхши таниш бўлган 1055 диспетчерлик хизмати аҳолининг қиш-қировли кунларда иссиқлик, табиий газ, электр таъминоти, кўп қаватли уйларнинг ертўлалари, кириш йўлаклари, чордоқлар, том устидаги барча муаммолар ва хизмат кўрсатувчи ташкилотлар фаолияти билан боғлиқ бошқа масалалар бўйича мурожаатларни узлуксиз тун-у кун давомида қабул қилиши ва бу муаммоларни тезкорлик билан бартараф этишини маълум қилади», — дейилади ҳокимлик ахборот хизмати хабарида.
Шу билан бирга, тўрт рақамли диспетчерлик хизматлари ҳар бир туманда ҳам ташкил этилган:
Бектемир тумани — 1068
Миробод тумани — 1079
Мирзо Улуғбек тумани — 1075
Олмазор тумани — 1070
Сергели тумани — 1071
Учтепа тумани — 1073
Чилонзор тумани — 1056
Шайхонтоҳур тумани — 1077
Юнусобод тумани — 1078
Яккасарой тумани — 1074
Яшнобод тумани — 1076
«Ушбу диспетчерлик хизматига қилинган ҳар бир мурожаат аудио форматида ёзиб олинади ва уларнинг ижроси устидан тизимли назорат ўрнатилган. Бир сўз билан айтганда, Сизнинг 1055 диспетчерлик хизматига қилган ҳар бир мурожаатингиз ижроси доимий назоратда бўлиши таъминланади», — дейилади Тошкент шаҳар ҳокимлиги ахборот хизмати хабарида.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)