Ҳиндистон шимолидаги Уттар-Прадеш штатида 120 кишининг ўлимига олиб келган тезюрар поезд ҳалокатига рельсдаги нуқсон сабаб бўлгани тахмин қилинмоқда, деб ёзади «ТАСС».
Times of India қайд этишича, ушбу ҳалокат мамлакатда олти йил ичида содир бўлган энг жиддийсидир. Нашр маълумотларига кўра, қутқарувчилар поезд харобалари остидан 120 кишининг жасадини чиқариб олган.
Экспертлар фикрича, ҳалокатга ёзги ва қишки ҳарорат ўртасидаги фарқ натижасида рельсга шикаст етгани сабаб бўлган. Ҳалокат сабаблари ҳақидаги расмий эълонни кейинроқ махсус комиссия ўқиб эшиттиради.
2 минг кишини олиб кетаётган 23 вагондан иборат Индор—Патна тезюрар поезди Канпур шаҳридан 100 км масофада Пухрайан станцияси ҳудудида 20 ноябрь куни Тошкент вақти билан 02:30 ҳалокатга учради.
Изоҳ (0)