Япониянинг «Фукусима-1» атом электр станцияси оператори саналадиган Tokyo Electric Power (TEPCO) компанияси бир гуруҳ мактаб ўқувчилари учун аварияга учраган станцияга саёҳат уюштирди. Бу ҳақда «ТАСС» хабар бермоқда.
13 нафар ўсмир мутахассислар радиация тарқалишини бартараф этиш учун ҳалокат жойида қандай ишлаётганини ўз кўзи билан кўриш имкониятига эга бўлди.
Mainichi газетасига кўра, Фукусима префектурасидаги мактаб маъмурияти станция раҳбариятига болаларга авария оқибатларини кўрсатиш юзасидан илтимос билан мурожаат этди. Одатда станцияга 18 ёшдан катталар келади, бироқ мазкур ҳолатда ўқувчиларнинг ота-оналари бунга рухсат берди.
Умумий ҳисобда болалар станцияда бир соатга яқин бўлди, унинг аксар қисмини автобусда ўтказди. Бу вақт давомида станциянинг биринчи реактори жойлашган бино ва зарарланган радиоактив сув омбори бориб кўрилди.
Саёҳат чоғи радиация фони соатига тахминан 10 микрозивертга тенг бўлган, бу эса меъёрдагидан салкам 40 баробар кўп.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)