Чили суди мамлакатнинг собиқ президентига нисбатан даъвони кўриб чиқади

Чили пойтахти суди мамлакатнинг собиқ президенти Себастьян Пиньерага нисбатан шикоятни кўриб чиқиш учун қабул қилди. Бу ҳақда «ТАСС» хабар бермоқда.

Чили Коммунистик партиясидан депутат Уго Гутьеррес томонидан қўзғатилган даъво собиқ давлат раҳбарига тегишли Bancard инвестиция компанияси фаолияти билан боғлиқ. Шикоятда Bancard Перунинг Exalmar балиқ овлаш компанияси акцияларини Пиньера президентлик лавозимини эгаллаб турганида, Чили билан Перу ўртасида денгиз чегаралари масаласида тортишув кетаётганида сотиб олгани таъкидланади.

Гутьеррес собиқ президентни давлат лавозимига тўғри келмайдиган фаолият олиб бориш ва инсайдерлик маълумотларидан ноқонуний фойдаланишда айбламоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.