«Барселона» жамоаси ҳужумчиси Лионель Месси Янги йил байрамидан сўнг каталонияликлар билан шартномасини узайтириш борасида музокара ўтказишга тайёр. Бу ҳақда Испаниянинг Спорт нашрига таяниб, «Чемпионат» хабар бермоқда.
Хабарда қайд этилишича, Аргентина термаси сардори жамоанинг бошқа аъзолари – Луис Суарес, Марк-Андре тер Штеген, Иван Ракитич ва Андрес Иньеста билан келишув муддатлари узайтирилишини кутиб турмоқчи. Юқорида исми келтирилган футболчиларнинг келишув муддатлари 2021 йилгача узайтирилиши кутилмоқда.
Аввалроқ 29 ёшли футболчи «Барселона» билан келишув муддатини узайтирмасликка қарор қабул қилгани ҳақида хабар берилганди. Кейинроқ Goal нашрининг Мессига яқин бўлган манбаси бу ҳақиқат эмаслигини билдирди.
Эслатиб ўтамиз, Лионель Мессининг «кўк-анор ранглилар» билан амалдаги шартномаси 2018 йилнинг ёзига қадар мўлжалланган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)